Սիրիայի արտաքին գործերի նախարարությունը պահանջել է ԱՄՆ-ից իր զինված ուժերը դուրս բերել երկրի հյուսիս-արևելյան հատվածից: Այս մասին հաղորդում է SANA-ն հունվարի 22-ին:
«Սիրիայի Արաբական Հանրապետությունը ևս մեկ անգամ դատապարտում է գործողությունները, որոնք հանգեցրել են Սիրիայի հազարավոր քաղաքացիների տեղահանմանը և պահանջում է դուրս բերել ԱՄՆ ռազմական ուժը»,- ասվում է ԱԳՆ հայտարարության մեջ։
Հատկանշական է, որ SANA-ի հաղորդմամբ՝ հունվարի 23-ին ամերիկյան ԶՈՒ-ն շարունակում է նոր սպառազինություններ տեղափոխել Սիրիա: Մասնավորապես հաղորդվում է, որ ամերիկյան ռազմաշարասյունը ընդգրկում է 66 ռազմական բեռնատարներ՝ այդ թվում 25 տանկեր 6 զրահամեքենաների ուղեկցությամբ Սիրիայի տարածք են մտել Իրաքից անօրինական Ալ-Վալիդ անցակետով:
Հետևեք մեզ տելեգրամում
