Հունվարի 26-ին հանդիպել են Ադրբեջանի պաշտպանության նախարար Զաքիր Հասանովը և Իրանի պաշտպանության և զինված ուժերի աջակցման նախարար Մոհամմադ Ռեզա Աշթիանին:
Իրանական Mehr լրատվական գործակալության փոխանցմամբ՝ նախարարները քննարկել են երկկողմ հարաբերությունները և տարածաշրջանային զարգացումները:
Աշթիանին կարևորել է երկկողմ հարաբերությունների ամրապնդումը պաշտպանության և անվտանգության ոլորտում՝ ավելացնելով, որ դրանք պետք է ընդլայնվեն բոլոր ոլորտներում:
Հասանովն իր հերթին կարևորել է երկկողմ հարաբերությունների զարգացման անհրաժեշտությունը:
Նշենք, որ Ադրբեջանի պաշտպանության նախարար Զաքիր Հասանովը հունվարի 25-ին պաշտոնական այցով մեկնել էր Իրանի Իսլամական Հանրապետություն:
Հետևեք մեզ տելեգրամում
