Սաուդյան Արաբիայի ռազմաօդային ուժերը վերջին օրվա ընթացքում շուրջ 50 ավիահարված են հասցրել Եմենի տարածքին: Հունվարի 26-ին այդ մասին հաղորդել Է Իրանի PressTV հեռուստաալիքը:
Ռազմական գործողություների հետևանքով զոհերի մասին ոչինչ չի հաղորդվել: Նշվում Է, որ հութիների օբյեկտներին հավածներ են հասցվել Եմենի Թայիզի, Սանայի, Մարիբի, Շաբվայի և Էլ Ջաուֆի նահանգներում:
Նշենք, որ վերջին շաբաթներին Սաուդյան Արաբիայի գլխավորած կոալիցիայի օդուժն ակտիվացրել Է գրոհները Եմենում, մասնավորապես հութիների կողմից վերահսկվող մայրաքաղաք Սանայում, նրանց ռազմական օբյեկտների վրա: Իսկ առավել ինտենսիվ ռմբակոծումներն սկսվել են այն բանից հետո, երբ «Անսար Ալլահ»-ի կողմնակիցները հունվարի 3-ին Եմենի Հոդեյդա նավահանգստային քաղաքից ոչ հեռու զավթել էին Արաբական Միացյալ Էմիրությունների դրոշի ներքո նավարկող բեռնատար նավը, իսկ հունվարի 17-ին անօդաչուների և բալիստիկ հրթիռների կիրառմամբ հարձակում իրականացրել Աբու Դաբիի վրա, որի հետևանքով սպանվել էր չորս մարդ, վիրավորվել՝ ևս վեցը:
Հետևեք մեզ տելեգրամում
