Իսրայելի արտգործնախարար Յաիր Լապիդը հայտարարել է, որ Իսրայելը մտադիր է դիվանագիտական հարաբերություններ հաստատել Սաուդյան Արաբիայի և Ինդոնեզիայի հետ: Սակայն նման գործարքների համար ժամանակ է հարկավոր:
Հունվարի 25-ին իսրայելական Army Radio-ին Լապիդը հայտնել է, որ Իսրայելը ձգտում է «ընդլայնել «Աբրահամյան արձանագրությունների» երկրների (ԱՄԷ, Բահրեյն, Մարոկկո և Սուդան) շարքը այլ պետություններով»:
«Եթե ինձ հարցնում եք, որոնք են այն կարևոր երկրները, որոնց մենք փնտրում ենք, ապա դրանցից մեկն Ինդոնեզիան է և, իհարկե, Սաուդյան Արաբիան: Սակայն դա ժամանակատար է»,- ասել է իսրայելցի բարձրաստիճան դիվանագետը:
Հատկանշական է, որ, չնայած պաշտոնական հարաբերությունների բացակայության, 2020 թվականին Սաուդյան Արաբիան համաձայնել էր թույլատրել Իսրայել-ԱՄԷ թռիչքներն իրականացնել իր տարածքով:
Նշենք, որ 2020 թվականին Իսրայելը ԱՄԷ-ն կարգավորել է դիվանագիտական հարաբերությունները ԱՄԷ-ի, Բահրեյնի, Սուդանի և Մարոկկոյի հետ «Աբրահամյան արձանագրությունների» ներքո: ԱՄԷ-ում, Բահրեյնում և Մարոկկոյում Իսրայելն արդեն ունի իր դիվանագիտական ներկայացուցչությունները:
Հետևեք մեզ տելեգրամում
