Թուրքական ընկերությունները պատրաստ են ներդրումներ կատարել Լիբանանում և վերականգնել Բեյրութի նավահանգիստը: Այս մասին հայտարարել է Թուրքիայի նախագահ Ռեջեփ Թայիփ Էրդողանը Լիբանանի վարչապետ Միկաթի Աունի հետ Անկարայում տեղի ունեցած հանդիպման ժամանակ:
Էրդողանը վերահաստատել է Թուրքիայի աջակցությունը Լիբանանին: Նրա խոսքով՝ Թուրքիան զգալի կարողություններ ունի, որոնք կարող է օգտագործել Լիբանանում:
«Մենք ցանկանում ենք հասնել լիբանանյան հասարակության բոլոր շերտերին՝ առանց խտրականության, և աջակցել բոլոր ոլորտներին՝ հատկապես առևտրի, առողջապահության, անվտանգության և էներգետիկայի»,- ասել է Թուրքիայի նախագահը։
Իր հերթին՝ Լիբանանի վարչապետը նշել է, որ երկկողմ հարաբերությունները շարունակելու են ընդլայնվել տարբեր ոլորտներում:
Հիշեցնենք, որ Լիբանանի վարչապետի գլխավորած պատվիրակությունը փետրվարի 1-ին ժամանել էր Անկարա՝ Թուրքիայի նախագահի հրավերով:
Հետևեք մեզ տելեգրամում
