Ադրբեջանի պաշտպանության նախարար Զաքիր Հասանովը և Թուրքիայի ազգային պաշտպանության նախարար Հուլուսի Աքարը քննարկել են ռազմական, ռազմատեխնիկական և ռազմական կրթության ոլորտներում համագործակցության հեռանկարները, հաղորդում են ադրբեջանական ԶԼՄ-ները։
«Կողմերն անդրադարձել են համատեղ զորավարժությունների ընթացքում Ադրբեջանի և Թուրքիայի զինված ուժերի ձեռք բերած փորձի կարևորությանը և ընդգծել են նման միջոցառումների կանոնավոր անցկացման անհրաժեշտությունը։ Հանդիպմանը նշվել է, որ Ադրբեջանն ավելի է ընդլայնում համագործակցությունը Թուրքիայի հետ՝ իր ռազմական հզորությունը մեծացնելու նպատակով»,- հայտարարել է Ադրբեջանի պաշտպանության նախարարությունը։
Նշվում է, որ Հասանովին ընդունել է նաև Թուրքիայի նախագահ Ռեջեփ Թայիփ Էրդողանը։
Հետևեք մեզ տելեգրամում
