Փետրվարի 7-ին Իրաքի խորհրդարանը նիստ էր գումարել գործող նախագահ Բարհամ Սալիհին երկրորդ անգամ նախագահ ընտրելու համար, սակայն պատգամավորների բոյկոտի պատճառով նիստը հետաձգվել է անորոշ ժամկետով։
Ըստ Իրաքի սահմանադրության՝ նախագահի ընտրության համար անհրաժեշտ է Ներկայացուցիչների պալատի 329 անդամների երկու երրորդի քվեարկությունը։ Մինչդեռ այսօրվա նիստին ներկա էր ընդամենը 58 պատգամավոր։
Բոյկոտին նախորդել էր Իրաքի դաշնային դատարանի որոշումն առ այն, որ կասեցվել էր մյուս հայտնի թեկնածու Հոշյար Զեբարի առաջադրումը, քանի որ վեջինս մեղադրվում է կաշառակերության մեջ։
Ուշագրավ է, որ Իրաքի հանրապետության նախագահի պաշտոնի համար պայքարում են մոտ 25 թեկնածուներ; Սակայն ենթադրվում է, որ մրցակցությունն իրականում ընթանալու է Հոշյար Զեբարիի և գործող նախագահ Բարհամ Սալիհի միջև, ում որպես թեկնածու առաջադրել է «Քուրդիստանի հայրենասիրական միությու» կուսակցությունը։
Հետևեք մեզ տելեգրամում
