ԻՀՊԿ «Ղոդս» ուժերի հրամանատար Ղասեմ Սոլեյմանիի սպանությունից հետո նրա «հայամետ» կամ «ադրբեջանամետ» գործիչ լինելու վերաբերյալ հայկական և ադրբեջանական տեղեկատվական դաշտում մի շարք հրապարակումներ եղան:
Վերջին օրերին իրանական մամուլում և սոցիալական ցանցերում իրականացված մշտադիտարկման արդյունքները վկայում են, որ վերոնշյալ շահարկումներից հետո իրանական մամուլում սկսել են հաճախակի անդրադառնալ Ղարաբաղյան պատերազմին՝ հիմնականում ընդգծելով պատերազմի ընթացքում Իրանի՝ ադրբեջանցիներին ցուցաբերած աջակցության հանգամանքը:
Նման բովանդակությամբ մի տեսանյութ հրապարակվել էր օրեր առաջ, իսկ այսօր «Arannews.ir» կայքը մի նյութ է հրապարակել, որտեղ իրանցի զինվորական Ռահիմ Նոի Աղդամը պատմել է, որ Արցախյան պատերազմի ընթացքում Ղարաբաղը 4 ամսվա ընթացքում «ազատագրելու» նախագիծ է կազմել, որը սակայն, ըստ իրանցի զինվորականի՝ Ադրբեջանի նախկին նախագահ Հեյդար Ալիևի կողմից ուշադրության չի արժանացել:
«Ինձ հաճախ երիտասարդները հարցնում են, թե ինչո՞ւ եմ Սիրիային օգնություն ցուցաբերել, իսկ Ադրբեջանին՝ ոչ: Պատասխանը պարզ է, ես Ղարաբաղյան պատերազմի հերոս հրամանատար եմ: Ես վիրավորվել եմ մարտերի ժամանակ, ես օկուպանտ զինված հայերի եմ սպանել և Արաքսը նետել»,-նշել է իրանցի զինվորականը:
Հետևեք մեզ տելեգրամում
