Վրաստանում ՀՀ դեսպանատունը արձագանքել է վրացական «Իմեդի» հեռուստաընկերության 20։00-ի «Քրոնիկոն» լրատվական հաղորդման ընթացքում սյուժեներից մեկում օգտագործված լուսանկարի վրա պատկերված հակահայ և խնդրահարույց գրություններին։
Դեսպանատունը տեղեկացնում է, որ խնդրի առնչությամբ անմիջապես կապ է հաստատել Վրաստանի արտաքին գործերի նախարարության հետ և պարզաբանում խնդրել։ Արդյունքում՝ փետրվարի 10-ին «Իմեդի» հեռուստաընկերությունը պաշտոնապես ներողություն է խնդրել տեղի ունեցած միջադեպի համար՝ այն համարելով տեխնիկական սխալ։
Հեռուստաընկերությունը նաև պարզաբանել է, որ «Վրացական մածոնին ընդդեմ մածունի» սյուժեի ցուցադրության ընթացքում օգտագործված «լուսանկարի վրայի գրությունը չի համապատասխանել բնօրինակին»՝ ավելացնելով, որ այդ «հատվածը կհեռացվի հոլդինգի բոլոր սոցիալական հարթակներից»։
Նշենք, որ 2022թ. փետրվարի 9-ին «Քրոնիկա» հաղորդման ժամը 20։00-ի թողարկման ընթացքում 8։25-րդ րոպեին հաղորդավարները խոսել են մածունի արտահանման արգելքի մասին, հետին պլանում ապակյա տարաների վրա վրացերեն մեծ գրված է «մացուն», ապա հայերեն տառերով գրված են եղել «Ղարաբաղը Ադրբեջան է», «Տոլման նույնպես ադրբեջանական է» արտահայտությունները։
Հետևեք մեզ տելեգրամում
