Վիեննայում միջուկային գործարքի վերաբերյալ բանակցությունները փակուղի չեն մտել, կողմերը քննարկում են կարևոր հարցերը։ Այս մասին երկուշաբթի մամուլի ասուլիսում ասել է Իրանի ԱԳՆ պաշտոնական ներկայացուցիչ Սայիդ Խաթիբզադեն։
«Վիեննայում փակուղի չկա, բանակցությունները շարունակվում են, ինչպես և մինչ այժմ»,- ասել է նա՝ ավելացնելով, որ երբ «բանակցային գործընթացը հասնում է լուրջ թեմաների շուրջ երկխոսության պահին, բանակցությունները դառնում են բարդ, եւ տեղի են ունենում որոշակի ձգձգումներ»։
Դիվանագետի խոսքով՝ այն, ինչ այժմ տեղի է ունենում Վիեննայում, կարելի է անվանել կարևոր հարցերի քննարկում»։
«Այսօր անհրաժեշտ է քաղաքական որոշում կայացնել։ Թեհրանն այն կայացրել է շատ տարիներ առաջ, երբ միջուկային գործարքի մեջ էր, և այսօր մենք արևմտյան կողմից սպասում ենք ներկայացված նախաձեռնությունների պատասխանը»,- ավելացրել է նա։
Հետևեք մեզ տելեգրամում
