Սիրիայի նախագահ Բաշար Ալ-Ասադը Դամասկոսում հանդիպել է Ռուսաստանի պաշտպանության նախարար Սերգեյ Շոյգուի հետ, ով երեքշաբթի աշխատանքային այցով մեկնել էր Սիրիա:
Կողմերը քննարկել են ռուսական և սիրիական բանակների միջև համագործակցությունը, հատկապես ահաբեկչության դեմ պայքարի հարցում։
Նախարար Շոյգուն վերահաստատել է, որ իր երկիրը շարունակելու է համագործակցել Սիրիայի հետ այս ոլորտում, քանի դեռ նրա ինքնիշխանությունը չի վերականգնվել երկրի ողջ տարածքում:
Տեղեկացվում է, որ ռազմատեխնիկական համագործակցությանն առնչվող հարցերից բացի կողմերը քննարկել են Սիրիայի բնակչությանը հատկացվող մարդասիրական օգնության խնդիրը:
Ինչպես հաղորդում է Ռուսաստանի պաշտպանության նախարարությունը՝ Շոյգուն Ասադին տեղեկացրել է Միջերկրական ծովի արևելյան հատվածում ռուսական ռազմածովային ուժերի զորավարժությունների մասին։ Հաղորդվում է նաև, որ երեքշաբթի Շոյգուն այցելել էր Սիրիայում ռուսական ռազմբազաները՝ Հմեյմիմը և Տարտուսը:
Հետևեք մեզ տելեգրամում
