Լիբանանը պայմանագիր է ստորագրել ֆրանսիական «CMA CGM» տրանսպորտային ընկերության հետ՝ Բեյրութի նավահանգստի կոնտեյներային տերմինալը կառավարելու համար։ Այս մասին հայտարարել է Լիբանանի Հանրային աշխատանքների և տրանսպորտի նախարար Ալի Համիյեն:
Համիյեն մամուլի ասուլիսում հայտարարել է, որ ֆրանսիական «CMA CGM» ընկերությունը նավահանգստի կոնտեյներային տերմինալը կառավարելու և շահագործելու է տասը տարի ժամկետով՝ մարտ ամսից սկսած։
Նշվում է, որ Բեյրութի նավահանգստի կոնտեյներային տերմինալում կներդրվի 33 մլն դոլար, որից 19 մլն դոլարը կօգտագործվի առաջին երկու տարիների ընթացքում։ Ֆրանսիական ընկերությունն ամբողջությամբ արդիականացնելու է սարքավորումները, իսկ նավահանգստի համակարգը թվայնացվելու է։
Ֆրանսիական ընկերությունը նաև տեխնիկական անգար կկառուցի պահեստամասերի սպասարկման և պահպանման համար։
Հետևեք մեզ տելեգրամում
