Թուրքական զինված ուժերը ռմբակոծել են Սիրիայի Ռաքքա նահանգը: Պատճառվել է նյութական վնաս:
Սիրիական SANA լրատվական գործակալությունը, հղում կատարելով տեղական աղբյուրներին, մանրամասնել է, որ թուրքական զինված ուժերը ռմբակոծության են ենթարկել Ռաքքայում գտնվող Թալ-Աբյադ քաղաքը: Ռմբակոծության հետևանքով հասցվել է նյութական վնաս, ավերվել են բնակելի շինություններ:
Տեղեկացնենք, որ Թալ-Աբյադը դեռևս գտնվում է Սիրիայի քրդական ուժերի վերահսկողության տակ, որոնց Անկարան համարում է ահաբեկչական կառույց և նույնացնում «Քուրդիստանի բանվորական կուսակցության հետ» (ՔԲԿ-PKK):
Թուրքիան վերջին տարիներին մի քանի ռազմական գործողություններ է իրականացրել Սիրիայի քրդերի դեմ, որի հետևանքով մի շարք շրջաններ անցել են են թուրքերի վերահսկողության տակ:
Հետևեք մեզ տելեգրամում
