ԱՄԷ-ի արտաքին գործերի և միջազգային համագործակցության նախարար շելխ Աբդուլլահ բըն Զայեդ Ալ-Նահյանը և Ռուսաստանի արտգործնախարար Սերգեյ Լավրովը հեռախոսազրույց են ունեցել: Նրանք քննարկել են երկու երկրների միջև «բարեկամական և ռազմավարական համագործակցությունը»: Այս մասին տեղեկացնում է էմիրաթական WAM լրատվական գործակալությունը:
Հեռախոսազրույցի ընթացքում կողմերը քննարկել են նաև տարածաշրջանային և միջազգային զարգացումները և դրանց առնչվող մի շարք հարցեր:
ԱՄԷ-ի արտգործնախարարը բարձր է գնահատել ռուս-էմիրաթական բարեկամությունը և պատրաստակամություն է հայտնել ընդլայնել երկկողմ համագործակցությունը տարբեր ոլորտներում:
Հետևեք մեզ տելեգրամում
