Իսրայելի վարչապետ Նաֆթալի Բեննեթը մերժել է Ուկրաինայի նախագահ Վոլոդիմիր Զելեսկու՝ ռազմական օգնություն տրամադրելու խնդրանքը:
Իսրայելական Kan հանրային ռադիոն ավելի վաղ հաղորդել էր, որ Ուկրաինայի նախագահը ուրբաթ կայացած հեռախոսազրույցի ընթացքում «խնդրել էր տրամադրել ռազմական զինամթերք և միջոցներ»:
ԶԼՄ-ներն իրենց հերթին տեղեկացնում են, որ չի նշվել, թե հստակ որ սպառազինության կամ զենքի տեսակն է անհրաժեշտ:
Իսրայելը «դիվանագիտորեն» է արձագանքել խնդրանքին՝ փաստացի մերժելով այն:
Նշենք նաև, որ հեռախոսազրույցի ընթացքում Զելենսկին խնդրել էր Իսրայելին որպես միջնորդ հանդես գալ Ուկրաինայի և Ռուսաստանի միջև: Իր հերթին Բեննեթը միջնորդության առաջարկ էր արել ՌԴ նախագահ Վլադիմիր Պուտինին, սակայն վերջինս մերժել էր:
Իսկ ավելի վաղ The Times of Israel-ը գրել էր, որ դեռևս նախորդ տարի խոչընդոտել էր ԱՄՆ-ի կողմից իսրայելական «Երկաթե գմբեթ» պաշտպանական համակարգերի տեղափոխումը Ուկրաինա:
Հատկանշական է, որ Իսրայելը բարեկամական հարաբերություններ ունի և՛ Ուկրաինայի, և՛ Ռուսաստանի հետ: Երկու երկրներում էլ Իսրայելը ունի բավականին մեծ համայնքներ:
Հետևեք մեզ տելեգրամում
