Սիրիայի նախագահ Բաշար Ալ-Ասադը Դամասկոսում ընդունել է Իրանի արտգործնախարարի ավագ խորհրդական Ալի Ասղար Խաջիին և նրան ուղեկցող պատվիրակությանը:
Հանդիպման ընթացքում քննարկվել են երկկողմ հարաբերությունները և համագործակցության ընդլայնման հնարավորությունները բոլոր ոլորտներում՝ հատկապես տնտեսական ոլորտում:
Կողմերը մտքեր են փոխանակել Աստանայի և Ժնևի քաղաքական գործընթացների և բանակցությունների առաջիկա փուլերի մասին: Ընդգծվել է, որ շոշափելի արդյունքների հասնելու համար այդ բանակցությունները պետք է ընթանան առանց արտաքին միջամտության և հստակ ռազմավարությամբ ու մեթոդաբանությամբ։
Խաջին Ասադին տեղեկացրել է Իրանի միջուկային ծրագրի շուրջ վերջին զարգացումների, ինչպես նաև բանակցային գործընթացի առաջընթացի մասին:
Կողմերն անդրադարձել են նաև միջազգային և տարածաշրջանային մի շարք խնդիրների՝ այդ թվում ուկրաինական ճգնաժամին և աշխարհի տարբեր հատվածներից այդ տարածաշրջան ծայրահեղականների տեղափոխման պրակտիկային:
Հետևեք մեզ տելեգրամում
