Իսրայելի զինված ուժերը հրթիռակոծել են Սիրիան՝ թիրախավորելով երկրի հարավային հատվածը: Տեղեկությունը հաղորդում է սիրիական SANA լրատվական գործակալությունը:
Գործակալության տվյալներով՝ Սիրիայի հակաօդային պաշտպանության համակարգերը երկրի հարավային նահանգներում կարողացել են խոցել Իսրայելի ԶՈՒ-ի հրթիռները: Հարձակման հետևանքով սպանվել է երկու զինծառայող, պատճառվել է նաև նյութական վնաս:
Նշենք, որ նախորդ ամսում Իսրայելի ԶՈՒ-ն հրթիռակոծել էր Դամասկոսը՝ թիրախավորելով դրա մերձակայքում գտնվող որոշ օբյետկներ: Հարձակման հետևանքով սպանվել էր 3 զինծառայող։ Բացի այդ՝ հրթիռակոծվել էր նաև Կունեյտրա նահանգը։
Ուշագրավ է, որ Իսրայելը հազվադեպ է պատասխանատվություն ստանձնում Սիրիային հարվածներ հասցնելու համար, սակայն պարբերաբար կրկնում է, որ շարունակելու է հակազդել «Սիրիայում իր ռազմական ներկայությունն ամրացնելու Իրանի փորձերին»:
Հետևեք մեզ տելեգրամում
