Կատարի արտգործնախարարը մեկնելու է Մոսկվա՝ քննարկելու Ուկրաինայում տիրող իրավիճակը և Իրանի միջուկային բանակցությունների գործընթացը: Այս մասին հայտնում է Doha News լրատվամիջոցը:
Աղբյուրը հաղորդում է, որ Կատարի արտգործնախարար շեյխ Մուհամմադ բըն Աբդուլռահման Ալ-Թանին հանդիպելու է իր ռուս պաշտոնակից Սերգեյ Լավրովի հետ:
Bloomberg-ը նաև տեղեկացրել է, որ կատարցի դիվանագետը հանդիպելու է ՌԴ նախագահ Վլադիմիր Պուտինի հետ: Հաղորդվում է, որ Կատարը ձգտում է միջնորդի դեր կատարել ռուս-ուկրաինական ճգնաժամի լուծման համար:
Ուշագրավ է, որ Ռուսաստանի կողմից Ուկրաինայում ռազմական հատուկ գործողության մեկնարկից ի վեր Վոլոդիմիր Զելենսկին երեք անգամ հեռախոսազրույց է ունեցել Կատարի էմիր Թամիմ բը Համադ Ալ-Թանիի հետ:
Հիշեցնենք, որ նախորդ շաբաթ նախագահ Ջո Բայդենը պաշտոնապես Կատարին դասակարգել է ՆԱՏՕ-ի անդամ չհանդիսացող ԱՄՆ-ի կարևոր դաշնակիցների շարքում:
Հետևեք մեզ տելեգրամում
