Մոսկվայում հանդիպել են ԱՄԷ-ի արտգործնախարար շեյխ Աբդուլլահ բըն Զայեդը և Ռուսաստանի ԱԳ նախարար Սերգեյ Լավրովը:
Կողմերը քննարկել են Սիրիայում և Եմենում տիրող իրավիճակը: Այս համատեքստում Լավրովը դատապարտել է հութիների հարձակումները Սաուդյան Արաբիայում և ԱՄԷ-ում քաղաքացիական ենթակառուցվածքների վրա:
Սերգեյ Լավրովը բարձր է գնահատել ԱՄԷ-ի հավասարակշռված դիրքորոշումը Ուկրաինայի հարցում: Նա նաև պատրաստակամություն է հայտնել զարգացնել Էմիրությունների հետ հարաբերությունները տարբեր ոլորտներում՝ ավելացնելով, որ տարածաշրջանային մի շարք հարցերի շուրջ կողմերն ունեն միանման տեսլականներ:
Իր հերթին ԱՄԷ-ի արտգործնախարարը հավաստիացրել է, որ իր երկիրը նույնպես պատրաստակամ է զարգացնել ռուս-էմիրաթական հարաբերությունները՝ հատկապես էներգետիկայի ոլորտում:
Հետևեք մեզ տելեգրամում
