Սիրիայի նախագահ Բաշար Ալ-Ասադը երեկ Դամասկոսում ընդունել է Իրանի արտգործնախարար Հոսեյն Ամիր Աբդոլլահիանին և նրան ուղեկցող պատվիրակությանը:
Հանդիպման ընթացքում կողմերը քննարկել են երկու երկրների միջև համագործակցությանն առնչվող խնդիրներ, ինչպես նաև երկկողմ համաձայնագրերի իրականացման ուղիները՝ հատկապես տնտեսական և առևտրային ոլորտներում:
Կողմերը նաև ընդգծել են ահաբեկչության դեմ պայքարում շարունակական համագործակցության կարևորությունը:
Աբդոլլահիանը վերահաստատել է, որ Իրանն աջակցում է Սիրիայի կառավարությանը և ժողովրդին՝ նշելով, որ տարածաշրջանի կայունության համար Սիրիայի դերը չափազանց կարևոր է:
Զրուցակիցներն անդրադարձել են նաև Իրանի միջուկային ծրագրի շուրջ ընթացող բանակցություններին:
Նախագահ Ասադն ընդգծել է, որ Իրանի միջուկային ծրագրի շուրջ համաձայնության հասնելն այսօր ավելի կարևոր է դարձել Իրանի, տարածաշրջանի և գլոբալ հավասարակշռության շահերին ծառայելու համար։
Հիշեցնենք, որ Իրանի արտգործնախարարը Հոսեյն Աբդոլլաիանը պաշտոնական այցով ժամանել էր Դամասկոս, որտեղ հանդիպել էր Սիրիայի ԱԳ նախարար Ֆայսալ Միկդադի հետ:
Հետևեք մեզ տելեգրամում
