Արժույթի միջազգային հիմնադրամը Լիբանանին 3 միլիարդ դոլարի աջակցություն է տրամադրելու տնտեսական ճգնաժամը հաղթահարելու համար: Այս մասին հայտարարություն է տարածել Արժույթի միջազգային հիմնադրամը (ԱՄՀ):
Ըստ հայտարարության՝ «Լիբանանի իշխանությունները և ԱՄՀ-ն նախնական համաձայնության են եկել, համաձայն որի՝ 4 տարվա ընթացքում ԱՄՀ-ն Բեյրութին 3 միլիարդ դոլար է տրամադրելու»:
Հայտարարությունում նշված է, որ Լիբանանը կանգնած է աննախադեպ ճգնաժամի առջև, ինչն էլ հանգեցրել է « տնտեսության կտրուկ անկման և աղքատության, գործազրկության և արտագաղթի կտրուկ աճի»:
ԱՄՀ-ն առանձնացրել է «հինգ առանցքային կետեր», որոնք պետք է իրականացվեն այս աջակցության շրջանակներում: Դրանց թվում են ֆինանսական հատվածի վերակազմավորումը, հարկաբյուջետային բարեփոխումների իրականացումը, պետական ձեռնարկությունների բարեփոխումը, մասնավորապես էլեկտրաէներգիայի ոլորտում, ինչպես նաև ուժեղացնել պետության կառավարման, կոռուպցիայի և փողերի լվացման դեմ պայքարի ջանքերը:
Իր հերթին Լիբանանի վարչապետ Նաջիբ Միքաթին հայտարարել է, որ այս գործարքը հետաքրքրություն կառաջացնի օտարերկրյա ներդրողների շրջանակներում:
Հետևեք մեզ տելեգրամում
