Իրաքի Այն ալ-Ասադ ռազմաբազայում տեղակայված ԱՄՆ-ի զինված ուժերն անօդաչու թռչող սարք են խոցել, որը ներխուժել էր ռազմաբազայի օդային տարածք: Տուժածների մասին տեղեկություններ չեն հաղորդվել: Այս մասին հայտնում են իրաքյան լրատվամիջոցները:
Իրաքյան աղբյուրները պնդում են, որ պարզ չէ՝ ԱԹՍ-ն եղել է հետախուզական, թե հարվածային: Սակայն միջազգային կոալիցիան հաստատել է, որ ԱԹՍ-ն եղել է հարվածային։
Ուշագրավ է, որ նախօրեին Իրաքյան Քուրդիստանի մայրաքաղաք Էրբիլի ուղղությամբ երեք հրթիռ էր արձակվել։
Վերջին ամիսների ընթացքում Էրբիլը ենթարկվել է մի շարք հրթիռային և անօդաչու թռչող սարքերի հարվածների, որոնք հիմնականում թիրախավորել են քաղաքում գտնվող կոալիցիոն զորքերի ռազմաբազան։
Հետևեք մեզ տելեգրամում
