Իրաքի արտաքին գործերի նախարար Ֆուադ Հուսեյնը Թեհրանում հանդիպել է Իրանի նախագահ Էբրահիմ Ռայիսիին։
Հանդիպման ընթացքում Ֆուադ Հուսեյնը մատնանշել է, որ Իրաքը պատրաստակամ է Իրանի հետ տարածաշրջանային և միջազգային ոլորտներում երկկողմ համագործակցության մակարդակի բարձրացմանը։
Նա նաև հավելել է, որ «Իրաքը չի լինի Իրանի անվտանգության վրա հարձակման ելակետ» և հայտնել Բաղդադի պատրաստակամությունը՝ Թեհրանի հետ անվտանգության ոլորտում համագործակցելու համար:
Իր հերթին Իրանի նախագահը նշել է, որ Իսլամական Հանրապետության նպատակն է ամրապնդել եղբայրական հարաբերությունները Բաղդադի հետ: Նրա խոսքով՝ Իրանը միշտ պատրաստ է աջակցել Իրաքի անվտանգությանը ու տարածքային ամբողջականությանը։
Ռայիսին կարևորել է, որ Իրաքը և հարևան մյուս երկրները թույլ չտան իրենց սուվերեն տարածքում այնպիսի ուժերի ներկայության հաստատմանը, որոնք սպառնում են Իսլամական Հանրապետությանը:
Հետևեք մեզ տելեգրամում
