Ռուսաստանի նախագահ Վլադիմիր Պուտինը Իսրայելի վարչապետ Նաֆթալի Բեննեթի հետ հեռախոսազրույցի ընթացքում ներողություն է խնդրել Լավրովի վերջին մեկնաբանության համար:
Սերգեյ Լավրովը վերջին հարցազրույցներից մեկում հայտարարել էր, թե Ադոլֆ Հիտլերը նույնպես «հրեական արյուն ուներ»՝ ավելացնելով, թե, ինչպես իմաստուն հրեա ժողովուրդն է ասում, ամենամոլի հակասեմականները, որպես կանոն, հրեաներն են:
«Վարչապետն ընդունել է Վլադիմիր Պուտինի ներողությունը Լավրովի մեկնաբանության համար և շնորհակալություն է հայտնել նրան հրեա ժողովրդի և Հոլոքոստի հիշատակի մասին նախագահի տեսակետը պարզաբանելու համար»,- նշված է Բեննեթի գրասենյակի հայտարարության մեջ:
Իր հերթին պաշտոնական Կրեմլը հայտնել է, որ Պուտինը Բեննեթի հետ զրուցել է «պատմական հիշողութան», Հոլոքոստի, ինչպես նաև Ուկրաինայում տիրող իրավիճակի շուրջ՝ առանց ներողության մասին հիշատակելու:
Հետևեք մեզ տելեգրամում
