Մայիսի 14-ին Իրանի արտգործնախարար Ամիր Աբդոլլահիանը հեռախոսազրույց է ունեցել Ադրբեջանի պաշտոնակից Ջեյհուն Բայրամովի հետ, գրում են իրանական ԶԼՄ-ները:
Պաշտոնյաները քննարկել են տարբեր ոլորտներում երկկողմ համագործակցության զարգացումը:
Մատնանշելով երկու երկրներ նախագահների հանդիպումը և այդ ընթացքում ձեռք բերված պայմանավորվածությունները՝ Աբդոլլահիանն ընդգծել է, որ դրանց կատարումը Թեհրանի և Բաքվի օրակարգում են:
Անդրադառնալով ECO-ի՝ Բաքվում կայանալիք նիստին՝ Իրանի արտգործնախարարը հույս է հայտնել, որ այն կնպաստի կազմակերպության գործունեության զարգացմանը: Բայրամովն իր հերթին ընդգծել է հարաբերությունների զարգացման և փոխայցերի շարունակման անհրաժեշտությունը:
Ըստ IRNA-ի՝ Բայրամովը հայտնել է, որ շուտով այցելելու է Իրան:
Հետևեք մեզ տելեգրամում
