Ն.Ս.Օ.Տ.Տ. Արամ Ա. Վեհափառ Հայրապետը մայիսի 16-ին ղպտի եկեղեցու հոգևոր պետ Թաուատրոս Պատրիարքի և Միջին Արևելքի Եկեղեցիների խորհրդի (Մ.Ա.Ե.Խ.) ընդհանուր քարտուղարի հրավերով մեկնել է Կահիրե: Այս մասին նշված է Արամ Ա. Վեհափառ Հայրապետ «Ֆեյսբուք»-ի էջում կատարված գրառման մեջ:
Նշվում է, որ Ն.Ս.Օ.Տ.Տ. Արամ Ա. Վեհափառ Հայրապետը որպես պատվավոր հյուր է մասնակցելու Խորհրդի համաժողովին և իր խոսքն է ուղղելու:
Չորս տարին մեկ գումարվող այս Համաժողովին Մեծի Տանն Կիլիկիո Կաթողիկոսությունը մասնակցելու է հինգ անձից բաղկացած պատվիրակության կազմով: Պատվիրակության կազմում են Գերշ. Տ. Սեպուհ Արք. Սարգսյանը (Թեհրանի հայոց թեմի առաջնորդ), Գերշ. Տ. Շահե Արք. Փանոսյանը (Լիբանանի հայոց թեմի առաջնորդ), Գերշ. Տ. Մասիս Եպս. Զօպույանը (Բերիո հայոց թեմի առաջնորդ), Հոգշ. Տ. Սարգիս Աբղ. Աբրահամյանը (գավազանակիր), Դոկտ. Ժան Սալմանեան (Սեն Ժոզեֆ համալսարանի դասախոս):
Համաժողովին մասնակցելու են Միջին Արևելքի բոլոր եկեղեցիները՝ իրենց պատուիրակություններով:
Վեհափառ Հայրապետը, իր պատվիրակությամբ, Մայրավանք կվերադառնա մայիսի 20-ին:
Հետևեք մեզ տելեգրամում
