Իսրայելի ԱԳ նախարար Յաիր Լապիդը թուրք պաշտոնակցի հետ հանդիպման ժամանակ հայտարարել է, որ հավելյալ քայլեր են իրականացվելու երկու երկրների մերձեցման համար:
«Մենք համաձայնել ենք վերսկսել մեր Համատեղ տնտեսական հանձնաժողովի աշխատանքները»,- հայտարարել է Լապիդը՝ ավելացնելով, որ «սկսելու են նաև աշխատանքներ տանել երկու երկրների միջև քաղաքացիական ավիացիայի նոր համաձայնագրի շուրջ»:
Ակնկալվում է, որ ավիացիայի նոր պայմանագիրը հնարավորություն կտա իսրայելական ինքնաթիռներին կրկին թռչել Թուրքիա:
Արտգործնախարարները դեսպանների վերադարձի ժամանակացույցի վերաբերյալ ոչինչ չեն նշել:
«Մենք համաձայնել ենք, որ չնայած մեր տարաձայնություններին, կայուն երկխոսության շարունակականությունը շահավետ կլինի»,- նշել է թուրք արտգործնախարարը:
Չավուշօղլուն նշել է, որ երկուստեք մտքեր են փոխանակվել «տարածաշրջանային հարցերի» շուրջ:
Նրա խոսքով՝ երկու արտգործնախարարությունները կվերսկսեն աշխատակազմերի հանդիպումները՝ Իսրայելի արտաքին գործերի նախարարության գլխավոր տնօրեն Ալոն Ուշպիզի և Թուրքիայի փոխարտգործնախարար Սեդաթ Օնալի գլխավորությամբ։
Ավելի վաղ հաղորդել էինք, որ Թուրքիայի արտգործնախարար Յաիր Լապիդն վերջին 15 տարիների ընթացքում առաջին անգամ մեկնել է Իսրայել:
Հետևեք մեզ տելեգրամում
