ԱՄՆ-ի երկու բարձրաստիճան պաշտոնյաներ այս շաբաթ այցելել են Սաուդյան Արաբիա բանակցություններ վարելու Իրանի, գլոբալ էներգիայի մատակարարումների և տարածաշրջանային խնդիրների շուրջ: Հինգշաբթի տեղեկությունը հաստատել է Սպիտակ տան մամուլի քարտուղար Կարին Ժան-Պիեռը։
Սպիտակ տան մամուլի քարտուղար խոսքով՝ Մերձավոր Արևելքի և Հյուսիսային Աֆրիկայի համակարգող Բրեթ ՄըքԳարքը և Պետդեպարտամենտի էներգետիկ անվտանգության գծով ավագ խորհրդական Ամոս Հոխշտեյնը Ռիյադում հանդիպել են Սաուդյան Արաբիայի բարձրաստիճան պաշտոնյաների հետ:
«Ես կհաստատեմ, որ Բրեթ Մըքգարքը և Ամոս Հոխշտեյնը տարածաշրջանում են եղել՝ հետևելու մի շարք հարցերի շուրջ խոսակցություններին, ներառյալ Իրանի ապակայունացնող գործունեությունը, կայուն գլոբալ էներգառեսուրսների ապահովումը և տարածաշրջանային այլ խնդիրներ», – ասել է Ժան-Պիեռը ճեպազրույցում:
«Այս ուղևորությունը վերանայելու է Սաուդյան Արաբիայի հետ հարաբերությունները էներգետիկ անվտանգության հարցում»,- ավելացրել է Ժան-Պիեռը:
Նշենք, որ ԱՄՆ-ը Սաուդյան Արաբիային առաջարկել է ավելացնել նավթի արդյունահանումը՝ նվազեցնելով գները, որոնք աճել են ուկրաինական ճգնաժամի պատճառով:
Ավելի վաղ ԶԼՄ-ներում տեղեկություն էր տարածվել, որ ամերիկացի պաշտոնյաները Սաուդյան Արաբիա են մեկնել՝ միջնորդելու Եգիպտոսի հետ բանակցություններում Տիրան և Սանաֆիր կղզիները Սաուդյան Արաբիային հանձնելու շուրջ:
Հետևեք մեզ տելեգրամում
