Այսօր Իրանի արտգործնախարարության խոսնակ Սաիդ Խաթիբզադեն հայտարարել է, որ դեռևս վաղ է խոսել Սաուդյան Արաբիայում և Իրանում դեսպանատների վերաբացման մասին:
Խաթիբզադեն, իրանական հեռուստատեսությամբ հեռարձակված մամուլի ասուլիսում, ի պատասխան այն հարցին, թե արդյոք իրանցի ուխտավորների այցը Սաուդյան Արաբիա կարող է վկայել դիվանագիտական հարաբերությունների վերսկսման մասին, մանրամասնել է, որ «դեռ վաղ է խոսել երկու երկրների դեսպանատների վերաբացման մասին»:
Հունիսին իրանցի մոտ 40,000 ուխտավոր ժամանել է Սաուդյան Արաբիա, իսկ Ռիադն ու Թեհրանն իրականացնում են Հաջը՝ անկախ դիվանագիտական խնդիրներից:
Հիշեցնենք, որ 2016 թվականից ի վեր Սաուդյան Արաբիայի և Իրանի միջև դադարել են դիվանագիտական հարաբերությունները: Երկու երկրները հետ էին կանչել իրենց դիվանագիտական ներկայացուցչություններին: Վերջին շրջանում Բաղդադի միջնորդությամբ երկկողմ հարաբերությունների կարգավորմանն ուղղված բանակցությունների մի քանի փուլեր են իրականացվել, որոնք դեռևս հաջողություն չեն ունեցել:
Հետևեք մեզ տելեգրամում
