Փետրվարի 5-ի երեկոյան Ստամբուլի Սաբիհա Գյոքչենի անվան օդանավակայանում «Boeing 737» ինքնաթիռի անհաջող վայրէջքի հետևանքով 3 մարդ է զոհվել, վիրավորվել՝ 179-ը
Իզմիր-Ստանբուլ չվերթն իրականացնող թուրքական «Pegasus» ընկերության ինքնաթիռը կոշտ վայրէջքի պատճառով դուրս է ընկել թռիչքուղուց, հայտնվել հարակից դաշտային հատվածում ու բախվել գետնին: Վթարի հետևանքով ինքնաթիռը բաժանվել է 3 մասի: Ինքնաթիռում եղել է 183 մարդ, որոնցից 177-ը ուղևոր, իսկ 6-ը՝ անձնակազմի անդամներ:
Թուրքիայի առողջապահության նախարարի տեղեկացմամբ՝ վթարի հետևանքով զոհվել է 3 հոգի, հիվանդանոց են դիմել 179 հոգի:
Վթարից հետո Թուրքիայի քաղավիացիայի հրահանգով Սաբիհա Գյոքչեն օդանավակայանում թռիչքները դադարեցվել են և նախատեսված բոլոր վայրէջքներն ուղղորդվել են դեպի Ստամբուլի «Ստամբուլ» օդանավակայան:
Հետևեք մեզ տելեգրամում
