Իրանի արտգործնախարար Ամիր Աբդոլլահիանն Անկարայում հանդիպել է թուրք պաշտոնակից Մևլյութ Չավուշօղլուի հետ:
IRNA-ի տեղեկություններով՝ պաշտոնյաները քննարկել են երկկողմ համագործակցության տարբեր ոլորտներին առնչվող հարցեր:
Աբդոլլահիանը նշել է, որ մոտ ապագայում շրջակա միջավայրի, փոշու ու ջրի խնդիրների շուրջ Թեհրանում հանդիպում է անցկացվելու, նա կարևորել է այդ հանդիպմանը Թուրքիայի ներկայացուցչի մասնակցությունը:
Նա ընդգծել է, որ երկու երկրներին պետք է պաշտպանել «սիոնիստական ռեժիմի» դավադրություններից՝ խորացնելով երկկողմ քաղաքական ու անվտանագյին կապերը:
Հանդիպմանը անդրադարձ է կատարվել նաև Սիրիայի զարգացումերին, Կովկասին, «3+3» ձևաչափին, Պաղեստինին, ուկրաինական պատերազմին, միջուկային բանակցություններին:
Աբդոլլահիանը թուրքական կողմին է փոխանցել «սիոնիստական ռեժիմի» հետ կապված Իրանի մտահոգություններն ու դիտարկումները:
«Վստահ ենք, որ Թուրքիայում մեր ընկերների անվտանգային մտահոգությունները պետք է լուծվեն երկխոսության և խաղաղ ճանապարհով»,- ասել է Իրանի ԱԳ ղեկավարը:
Հետևեք մեզ տելեգրամում
