Իրանի հոգևոր առաջնորդին հարող «Kayhan» օրաթերթում ծավալուն հոդված է հրապարակվել Բաքվի իշխանության կողմից Ադրբեջանում շիա հավատացյալների նկատմամբ տարվող խիստ քաղաքականության վերաբերյալ, ինչպես նաև այս թեմայով հարցազրույց է անցկացվել Կովկասի հարցերով փորձագետ Բորհամ Հեշմաթիի հետ։
Հոդվածում շեշտվել է, որ Ադրբեջանում վերջին ամիսներին ակտիվացել է շիա հավատացյալների նկատմամբ ճնշումը, գուցե այն պատճառով, որ Բաքվի կառավարիչները ժողովրդի կրոնական ինքնության վերադարձը համարում են սպառնալիք իրենց իշխանության համար։
«Ադրբեջանի բնակչության մեծամասնությունը շիաներ են, և ադրբեջանական ազգային ինքնության ստեղծումը ուղեկցվում է իսլամական ավանդույթների տարրերով, ինչը անընդունելի է Բաքվի ներկայիս կառավարության համար»,- նշվել է հոդվածում:
Ըստ հոդվածի՝ ընդհանուր առմամբ, Ադրբեջանի բնակիչների կրոնական ինքնությունն ու կողմնորոշումը տարանջատելու փորձը քիչ հավանական է, քանի որ կրոնական ինքնությունը գործնականում կազմում է Ադրբեջանի բնակիչների պատմական ինքնության մասը։
Հետևեք մեզ տելեգրամում
