Թունիսի Հանրապետությունում և Մարոկկոյի Թագավորությունում ՀՀ արտակարգ և լիազոր դեսպան Արշակ Փոլադյանն ակնկալում է, որ մինչև տարեվերջ հնարավոր կլինի Սաուդյան Արաբիայի հետ ստեղծել նոր հարաբերություններ: Այս մասին նա հայտարարել է այսօր՝ Հայաստանի գիտությունների ազգային ակադեմիայում կայացած «Ծոցի արաբական երկրներն ու հայ համայնքները. արդի միտումներ և հիմնախնդիրներ» խորագրով միջազգային գիտաժողովի ժամանակ:
«Մեծ ջանքերի շնորհիվ Հայաստանի անկախությունից հետո մեզ հաջողվեց Արևելքի արաբական երկրների հետ սկսել դիվանագիտական հարաբերություններ հաստատելու գործընթացը, և մինչև 2000-ական թվականը կարելի է ասել Ծոցի արաբական բոլոր երկրների հետ ունեցանք դիվանագիտական հարաբերություններ՝ բացառությամբ Սաուդյան Արաբիայի»,- նշել է դեսպան Փոլադյանը:
«Հույս ունենք, որ մինչև այս տարվա վերջ մեզ կհաջողվի նաև այդ երկրի հետ ստեղծել նոր հարաբերություններ»,- ավելացրել է դեսպանը:
Հետևեք մեզ տելեգրամում
