ԱՄԷ-ի նախագահի դիվանագիտական խորհրդական Անվար Գարգաշը հայտարարել է, որ Աբու Դաբին կաջակցի Սաուդյան Արաբիայի և Ամերիկայի միջև ցանկացած պայմանավորվածության նախագահ Ջո Բայդենի այցի ընթացքում։
Գարգաշը մանրամասնել է, որ Էմիրությունները կողմ չեն տարածաշրջանի որևէ երկրի, հատկապես Իրանի դեմ առանցքների ձևավորմանը:
Նա ընդգծել է, որ ԱՄԷ-ն բաց է այն ամենի համար, ինչը պաշտպանում է իրեն՝ առանց երրորդ երկրի թիրախավորման: Գարգաշի խոսքով՝ Իրանի հետ առճակատման գաղափարն անընդունելի է Աբու Դաբիի համար:
Խորհրդականը հավելել է, որ ԱՄԷ-ն պատրաստվում է դեսպան ուղարկել Թեհրան՝ Իրանի հետ հարաբերությունները վերականգնելու համար:
Հետևեք մեզ տելեգրամում
