Բեյրութը կենսամակարդակի «ամենացածր» ցուցանիշով վերջինն է արաբական քաղաքների շարքում, իսկ աշխարհի 248 քաղաքների շարքում զբաղեցնում է 242-րդ հորիզորականը:
«Numbeo» վիճակագրությունների միջազգային ինստիտուտը զեկույց է հրապարակել, համաձայն որի՝ Բեյրութը արաբական ամենաթանկ քաղաքն է, իսկ աշխարհում՝ 12-րդն է մոտենալով Նյու Յորքին:
Ըստ ՄԱԿ-ի գրասենյակի, Համաշխարհային բանկի, ՅՈՒՆԻՍԵՖ-ի և բազմաթիվ միջազգային ֆինանսական հաստատությունների զեկույցների՝ Լիբանանում տիրող աննախադեպ տնտեսական ճգնաժամի պայմաններում բնակչության մոտ 80 տոկոսը աղքատության շեմին է:
Օրինակ՝ Լիբանանում աշխատավարձերը դեռևս վճարվում են դոլարի պաշտոնական փոխարժեքով, որը կազմում է 1500 լիբանանյան ֆունտ, մինչդեռ տեղական արժույթը սև շուկայում կազմում է նույնիսկ 30,000 լիբանանյան ֆունտ մեկ դոլարի դիմաց: Իսկ գնաճը գերազանցել է 1000 տոկոսը:
Նշենք, որ «Numbeo» վիճակագրությունների միջազգային ինստիտուտի զեկույցները կազմվում են ըստ ութ հիմնական ցուցանիշների, որոնք չափում են կյանքի որակը։ Դրանք ներառում են գնողունակության, անվտանգության ինդեքսները, առողջապահությունը և կյանքի արժեքը, բնակարանի գնի և եկամտի հարաբերակցությունը, երթևեկության կամ ճանապարհորդության, աղտոտվածության, ինչպես նաև կլիմայի ինդեքսները:
Հետևեք մեզ տելեգրամում
