Երեկ Իրանի հոգևոր առաջնորդ Ալի Խամենեին ընդունել է ՌԴ նախագահ Վլադիմիր Պուտինին։
Հանդիպմանը Խամենեին անդրադարձել է տարածաշրջանային և միջազգային մի շարք հիմնախնդիրների՝ այդ թվում Հայաստանին:
«Իսլամական Հանրապետությունը երբեք չի հանդուրժելու որևէ քաղաքականություն և ծրագիր, որը Իրանի ու Հայաստանի սահմանի փակմանը կհանգեցնի»,- նշել է Իրանի հոգևոր առաջնորդը:
Խամենեին նաև վերահաստատել է Ռաշտ-Աստարան կառուցելու կարևորության մասին Պուտինի խոսքերը և հավելել, որ Հյուսիս-Հարավի ամբողջացումը երկու երկրների օգտին է։
Անդրադառնալով սիրիական ճգնաժամին՝ Խամենեին շեշտել Է Սիրիայի տարածքային ամբողջականությանն աջակցելու և այդ երկրի վրա ռազմական հարձակմանը դեմ լինելու Իրանի դիրքորոշումը:
Բացի այդ՝ Խամենեին ընդգծել է, որ համաշխարհային զարգացումները Իրան-ՌԴ փոխգործակցության անհրաժեշտությունն են ցույց տալիս։ Նա արևմտյան պատժամիջոցների ֆոնին Իրան-ՌԴ տնտեսական համագործակցությունը անհրաժեշտություն է անվանել և երկու երկրների օգտին համարել:
«Եթե ՆԱՏՕ-ի առջև ճանապարհը բաց լինի, նրանք չափ ու սահման չեն ճանաչելու։ Եթե նրանց առաջխաղացումը Ուկրաինայում չկանխվեր, Ղրիմի պատրվակով նրանք էին պատերազմ սկսելու»,- ասել է Խամենեին՝ ՆԱՏՕ-ն վտանգավոր կառույց է անվանելով:
Հետևեք մեզ տելեգրամում
