Իրաքի զինված ուժերի գլխավոր շտաբի պետ Աբդել Էմիր Յարալլահը մանրամասներ է հայտնել Իրաքի տարածքում թուրքական ռազմական ներկայության ծավալի վերաբերյալ: Այս մասին նա ասել է Դոհուկում թուրքական հարձակումից հետո խորհրդարանի հատուկ նիստում:
Նրա խոսքով՝ երկրում գործում է թուրքական 5 ռազմաբազա, որտեղ կան ավելի քան 4000 թուրք զինյալներ:
Նա նաև ավելացրել է, որ Թուրքիան ավելացրել է իր ներխուժումները Իրաքի տարածք:
«Իրաքը մոբիլիզացրել է բոլոր ջանքերը՝ իր գործընկերների համաձայնությամբ՝ դատապարտելու թուրքական հարձակումները», – Asharq al-Awsat-ին ասել է Իրաքի արտգործնախարարության խոսնակ Ահմադ Ալ-Սահաֆը:
Հիշեցնենք, որ նախորդ շաբաթ Իրաքի ինքնավար Քուրդիստանի Դոհուկ նահանգի Զախո քաղաքի ուղղությամբ թուրքական զինված ուժերը հրթիռներ էին արձակել: Հարձակման հետևանքով զոհվել է 9 խաղաղ բնակիչ, վիրավորվել՝ 23-ը՝ մեծամասամբ կանայք և երեխաներ:
Հետևեք մեզ տելեգրամում
