«Ալ-Կաիդա» ահաբեկչական կազմակերպության առաջնորդ Այման Ալ-Զավահիրին սպանվել է Աֆղանստանի մայրաքաղաք Քաբուլում անօդաչու թռչող սարքի հարձակման հետևանքով։ Այս մասին հայտարարել է ԱՄՆ նախագահ Ջո Բայդենը Սպիտակ տնից հեռարձակվող հատուկ տեսաուղերձում:
«Արդարությունը վերականգնվել է, իսկ ահաբեկիչ այս առաջնորդն այլևս չկա»,- ասել է Բայդենը:
Տարեսկզբին ամերիկյան հետախուզությունը հայտնաբերել էր Ալ-Զավահիրի ընտանիքը Քաբուլում: Սակայն Բայդենի խոսքով՝ հարձակման հետևանքով ընտանիքի անդամներ կամ քաղաքացիական այլ անձիք չեն տուժել:
Նշենք, որ եգիպտացի, մասնագիտությամբ վիրաբույժ Ալ-Զավահիրին Օսամա բեն Լադենի սպանությունից ի վեր «Ալ-Կաիդայի» ամենահայտնի առաջնորդն էր: Նա օգնել էր համակարգել 2001 թվականի սեպտեմբերի 11-ին ԱՄՆ-ի վրա իրականացված հարձակումները, որոնց զոհ գնաց շուրջ 3000 խաղաղ բնակիչ:
Հետևեք մեզ տելեգրամում
