Կովկասում ու Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինա Պիրիսը մտահոգիչ է համարում հայ-ադրբեջանական լարվածության մասին հաղորդումները:
«ՆԱՏՕ-ն լիովին աջակցում է Հայաստանի և Ադրբեջանի հարաբերությունների կարգավորմանն ուղղված ջանքերին, որոնք կնպաստեն Հարավային Կովկասի կայունությանը և բարգավաճմանը, որը Դաշինքի համար ռազմավարական նշանակություն ունեցող տարածաշրջան է»,- նշել է նա թվիթերյան գրառմամբ:
Հիշեցնենք, որ այսօր՝ օգոստոսի 3-ին Ադրբեջանը կոպտորեն խախտել է հրադադարի պահպանման ռեժիմը: Արցախի պաշտպանության նախարարությունը հայտնել է, որ շփման գծի հյուսիս-արևմտյան հատվածում ադրբեջանական ստորաբաժանումները կիրառել են հարվածային անօդաչու թռչող սարքեր, ինչի հետևանքով զոհվել է մեկ հայ զինծառայող, վիրավորվել՝ ևս 8-ը:
Հետևեք մեզ տելեգրամում
