Իդլիբում Սիրիայի կառավարական ուժերը խոցել են թուքական ռազմական մեքենան: Տուժածների մասին ոչինչ չի հաղորդվել: Տեղեկությունը հայտնում է Մարդու իրավունքների սիրիական դիտարանը:
Դիտարանի տեղեկություններով՝ կառավարական ուժերը ռմբակոծել են Հալեպում գտնվող Մալքաբիս գյուղը:
Հատկանշական է, որ 2016 թվականից ի վեր Թուրքիան 3 ռազմական գործողություններ է իրականացրել Սիրիայում՝ թիրախավորելով քրդական խմբավորումներն ու կազմակերպությունները, իսկ 2020 թվականի սկզբին հարձակում է իրականացրել սիրիական ռեժիմի ուժերի դեմ։
Սիրիայի հյուսիսը վերահսկվում է մեծամասամբ քրդերից կազմված Ժողովրդի պաշտպանության ուժերը (YPG): Պաշտոնական Անկարան այս ուժերին համարում է Քուրդիստանի բանվորական կուսակցության մասնաճյուղ, որին դասում է ահաբեկչական կազմակերպությունների շարքին։
Հետևեք մեզ տելեգրամում
