Իրանի Ալլամե Թաբաթաբայի համալսարանի դասախոս, միջազգային հարցերով վերլուծաբան Էհսան Մովահեդիանը Իրանի պետական ռադիոհեռուստատեսության Sahar TV ադրբեջանալեզու հեռուստաալիքի եթերում հայտարարել է, որ հայ-իրանական սահմանի պահպանման հարցում Իրանի դիրքորոշումը հստակ է, և Թեհրանը թույլ չի տա, որ այդ սահմանը փոփոխության ենթարկվի:
«Էրդողանը հասկացել է, որ եթե Հայաստանի դեմ որևէ գործողություն ձեռնարկեն, Իրանի կտրուկ պատասխանին են առերեսվելու»,- նշել է Մովահեդիանը:
Փորձագետը նաև անդրադարձել է տարածաշրջանի վրա Թուրքիայի ջրային քաղաքականության հետևանքներին, ընդգծել ջրային ռեսուրսների կառավարման հարցում տարածաշրջանի երկրների համագործակցության անհրաժեշտությունը:
Նկատենք, որ հայ-իրանական սահմանի մասին Մովահեդիանի հայտարարությունը լայն արձագանք է գտել ադրբեջանաթուրքական մամուլում, սոցցանցերում՝ մեկնաբանվելով որպես Իրանի պետական հեռուստալիքի եթերից Թուրքիային ու Ադրբեջանին ուղղված «սպառնալիք»:
Հետևեք մեզ տելեգրամում
