Վաշինգտոնը «խորապես մտահոգված է» վերջին շրջանում Թուրքիայի հետ Սիրիայի հյուսիսային սահմանի երկայնքով գրանցված բռնությունների առնչությամբ: Այս մասին հայտարարել է Պետդեպարտամենտի խոսնակ Նեդ Փրայսը:
«ԱՄՆ-ը խորապես անհանգստացած է Սիրիայի հյուսիսային սահմանի երկայնքով վերջին հարձակումներով և կոչ է անում բոլոր կողմերին պահպանել հրադադարի գիծը», – ասել է Փրայսը:
Նշենք, որ վերջին շրջանում թուրքական ռմբակոծությունների հետևանքով սպանվել է 21 խաղաղ բնակիչ, այդ թվում՝ երեխաներ:
Խոսնակն ավելացրել է, որ ԱՄՆ-ը հավատարիմ է մնալու «Իսլամական պետություն» ահաբեկչական կազմակերպությանը պարտության մատնելու գործընթացում, ինչպես նաև սիրիական հակամարտության քաղաքական լուծմանը:
Հիշեցնենք, որ Թուրքիան պատրաստվում է Սիրիայի հյուսիսում ռազմական գործողություն սկսել Սիրիայի քրդական ուժերի դեմ, որոնց Անկարան համարում է ահաբեկչական: Մի քանի ամիս շարունակ թուրք բարձրաստիճան պաշտոնյաները նշում են ռազմական գործողություն սկսելու ծրագրերի մասին, սակայն մինչ օրս այն չի մեկնարկել:
Հետևեք մեզ տելեգրամում
