Վրաստանում միջազգային զորավարժություն է անցկացվելու

Վրաստանում 6-րդ անգամ անցկացվելու է Noble Partner միջազգային զորավարժությունը։ Այս մասին տեղեկացնում է Վրաստանի պաշտպանության նախարարությունը:

Հաղորդվում է, որ այս տարի զորավարժութուններում ներգրավված է ավելի քան 2400 զինծառայող 21 երկրից, այդ թվում նաև՝ Ադրբեջանից և Թուրքիայից։

Հատկանշական է, որ այս տարի դեռևս պաշտոնապես չի հայտարարվել, թե որ օրերին են լինելու վարժանքները։ Վարժանքներին մասնակցող ամերիկյան տեխնիկան արդեն Վրաստանում է։