Իսրայելի հետախուզության (Մոսադ) ղեկավարը սեպտեմբերի սկզբին մեկնելու է ԱՄՆ՝ Իրանի միջուկային համաձայնագրի հնարավոր վերականգնման շուրջ բանակցություններ վարելու համար:
«Մոսադի» ղեկավար Դեյվիդ Բարնեան «մեկ շաբաթից կայցելի Վաշինգտոն՝ մասնակցելու Կոնգրեսում իրանական գործարքի վերաբերյալ փակ հանդիպումներին», AFP-ին ասել է իսրայելցի բարձրաստիճան մի պաշտոնյա՝ այլ մանրամասներ չհայտնելով:
Ավելի վաղ Իսրայելի վարչապետ Յաիր Լապիդը հայտնել էր, որ շարունակելու է «դիվանագիտական պայքարը» միջուկային նոր գործարքի դեմ:
«Մենք համատեղ ջանքեր ենք գործադրում, որպեսզի ամերիկացիներն ու եվրոպացիները հասկանան այս համաձայնագրի վտանգները», – հայտարարել է Իսրայելի վարչապետն՝ ընդգծելով, որ 2015 թվականին ստորագրված գործարքը «լավը չէր», իսկ ընթացիկ ձևակերպվող գործարքն «ավելի մեծ վտանգներ է պարունակում»։
Բացի այդ իսրայելական կողմը պնդում է, որ համաձայնագիրը հեշտացնելու է Իրանի աջակցությունը կրող զինյալների ֆինանսավորումը, իսկ զուգահեռաբար Թեհրանը հնարավորություն է ունենում միջուկային զենք ստեղծել:
Հետևեք մեզ տելեգրամում
