Թուրքիայի պաշտպանության նախարար Հուլուսի Աքարը Բրյուսել մեկնելուց առաջ, որտեղ տեղի է ունենալու ՆԱՏՕ-ի անդամ երկրների պաշտպանության նախարարների ժողովը, հարցազրույց է տվել Associated Press գործակալությանը: Հարցազրույցի ընթացքում Աքարը խոսել է Իդլիբի հարցում ՆԱՏՕ-ից Թուրքիայի սպասելիքների մասին:
«ՆԱՏՕ-ի երկրները, Եվրոպան և աշխարհը այս հարցին (Ասադի գրոհները Իդլիբի ուղղությամբ) ավելի մոտիկից պետք է հետևեն և լուրջ, առարկայական օգնություն ապահովեն»,-նշել է Աքարը:
Ըստ թուրք նախարարի՝ Իդլիբում մարդիկ, որոնք կորցրել են իրենց տները և ընտանիքները, հուսահատության մեջ են հայտնվել, իսկ այդպիսի պայմաններում հզորանում է ծայրահեղականությունը:
Աքարը ներկայացրել է Թուրքիայի դիրքորոշումը Իդլիբի հարցում՝ շեշտելով, որ Թուրքիան չի պատրաստվում հեռանալ Իդլիբում գտնվող իր 12 դիտակետներից և ոչ մեկից: Նա ընդգծել է, որ թուրքական դիտակետերի անձնակազմին հրահանգել են որևէ հարձակման դեպքում հուժկու պատասխան տալ:
Հետևեք մեզ տելեգրամում
