Իսրայելի և Կատարի միջև շփումներ են ընթանում՝ Դոհայում հյուպատոսական գրասենյակ հիմնելու համար: Տեղեկությունը հայտնում է իսրայելական KAN հեռուստաալիքը:
Հեռուստաալիքը, հղում անելով անանուն աղբյուրներին, մանրամասնել է, որ Իսրայելը ցանկանում է «շահերի պաշտպանության գրասենյակ հիմնել Դոհայում՝ Ֆուտբոլի աշխարհի առաջնության (ՖԻՖԱ) ժամանակ իսրայելցիներին օգնություն ցուցաբերելու համար»:
Հեռուստաալիքը հավելել է, որ այս հարցի շուրջ բանակցությունները դեռ շարունակվում են, սակայն միևնույն ժամանակ ակնարկել, որ Կատարը «սառնասրտություն է ցուցաբերում»:
KAN-ը հաղորդել է, որ ՖԻՖԱ-ի կանոնների համաձայն՝ Կատարը պարտավորվում է թույլատրել իսրայելցիների մուտքը երկիր, ով վիզա կներկայացնի խաղերին մասնակցելու համար: Սակայն հեռուստաալիքի տեղեկություններով՝ այս ընթացակարգը փաստացի չի գործում:
Հիշեցնենք, որ Իսրայելը և Կատարը չունեն դիվանագիտական հարաբերություններ: Իսրայելն արաբական մի քանի երկրների՝ Բահրեյնի, Մարոկկոյի, ԱՄԷ-ի և Սուդանի հետ է կարգավորել հարաբերություններն ԱՄՆ-ի միջնորդությամբ՝ «Աբրահամյան համաձայնագրերի» շրջանակներում:
Հետևեք մեզ տելեգրամում
