Սիրիայի Հալեպ քաղաքում շինության փլուզման հետևանքով մահացել է 11 մարդ՝ այդ թվում 3 երեխա:
Սիրիայի պետական հեռուստատեսությունը մանրամասներ է ներկայացրել՝ հայտնելով, որ երեկ երեկոյան Հալեպի հարավային Ֆարդուս թաղամասում ապօրինի կառուցված հինգհարկանի շենք է փլուզվել: Մահացել է 7 կին, 3 երեխա և 1 տարեց տղամարդ: Վիրավորվել է ևս 2 քաղաքացի:
Հաղորդվել է, որ փլուզման վտանգի պատճառով հարակից շենքերը տարհանվել են:
Նշենք, որ մինչև 2016 թվականը Սիրիայի ընդդիմադիրներն էին վերահսկում Հալեպի Ֆարդուս թաղամասը: Այնուհետև քաղաքի արևելյան հատվածներն անցան կառավարական ուժերի վերահսկողության ներքո:
Հետևեք մեզ տելեգրամում
