Հայաստանի արտաքին գործերի նախարարությունը դատապարտել է Սոթքում Ադրբեջանի կողմից լրագրողների թիրախավորումը: ՀՀ ԱԳՆ մամուլի խոսնակ Վահան Հունանյանը «Թվիթեր»-ի իր միկրոբլոգում գրել է, որ Սոթքում իրենց պարտականությունները կատարող տեղի և օտարերկրյա լրագրողների ուղղությամբ Ադրբեջանի կողմից միտումնավոր հրետանային կրակն անընդունելի է:
«Միջազգային հանրության, մարդու իրավունքների և խոսքի ազատության պաշտպանության մասնագիտացված կառույցների ուշադրությունն ենք հրավիրում տեղեկատվության ձեռքբերման իրավունքը ոտնահարելու այս փորձին, որն ուղղված է խոչընդոտելու Ադրբեջանի ագրեսիայի հետևանքների փաստագրումն ու ներկայացումը միջազգային հանրությանը»,- գրել է Հունանյանը:
Հունանյանը նաև տեսանյութ է հրապարակել՝ ցուցադրելով, որ Ադրբեջանը Սոթքում, Գեղարքունիքի մարզում քաղաքացիական ենթակառուցվածքներ է թիրախավորել՝ վնասելով տներ և մեքենաներ:
Հետևեք մեզ տելեգրամում
