ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը մեկնաբանել է ԱՄՆ Ներկայացուցիչների պալատի խոսնակ Նենսի Փելոսիի այցը ՀՀ:
Ինչպես փոխանցում է ՌԻԱ Նովոստին, Պեսկովը հայտարարել է, որ Մոսկվան կողջունի ցանկացած քայլ, որն իրականում ուղղված կլինի Հայաստանի և Ադրբեջանի միջև իրավիճակի կարգավորմանը:
«Այն ամենը, ինչը ոչ թե խոսքով է, այլ գործով, և ոչ բարձրաձայն ու պոպուլիստական, այլ իրականում անաղմուկ ու գործնական, կարող է նպաստել հարաբերությունների կարգավորմանը, սահմանին իրավիճակի կայունացմանը, կարելի է ողջունել: Արդյո՞ք նման աղմկահարույց գործողություններն ու հայտարարություններն իրականում կարող են նպաստել այդ կարգավորմանը, կտեսնենք: Ժամանակի ընթացքում ամեն ինչ պարզ կլինի»,-ասել է Պեսկովը:
Հետևեք մեզ տելեգրամում
