Լիբանանի նախագահ Միշել Աունը երեկ հայտնել է, որ Լիբանանը պաշտոնապես ընդունել է Իսրայելի հետ ԱՄՆ-ի միջնորդությամբ կնքված ծովային սահմանազատման գործարքը:
Գործարքը որակելով որպես «պատմական ձեռքբերում»՝ նախագահը հավելել է, որ Լիբանանը «կարողացավ վերականգնել 860 քառակուսի կիլոմետր վիճելի տարածքը»։
«Լիբանանը Իսրայելին ոչ մի քառակուսի կիլոմետր չի զիջել»,- ասել է Աունը՝ ավելացնելով, որ Լիբանանը լիովին վերահսկողություն է սահմանել Քանա հանքավայրի նկատամամբ, թեև դրա որոշ հատվածներ հայտնվել են Իսրայելի տարածքային ջրերում։
Այնուամենայնիվ Լիբանանի նախագահը շեշտել է, որ Իսրայելի հետ հարաբերությունների կարգավորում տեղի չի ունեցել։
Հիշեցնենք, որ Լիբանանը և Իսրայելը չունեն դիվանագիտական հարաբերություններ: Կողմերը ծովային սահմանազատման շուրջ բանակցությունները վարում էին անուղղակի՝ ԱՄՆ-ի միջնորդությամբ:
Հետևեք մեզ տելեգրամում
